الرئيسية
امبارح كنت عمال بفكر
فى اتنين كانوا معايا فى الجامعة
ولد وبنت كانوا بيحبوا بعض جدا
والولد كان له صديقة
البنت اللى كان مرتبط بيها
قالتله اقطع علاقتك بيها
قالها لأ
انا برتاح فى الكلام معاها
قالتله اتكلم معايا انا
قالها محتاج انى اتكلم مع بنت تانية غيرك
ومش معنى كدة انى بحبها
بس مرتاح لوجودها فى حياتى كصديقة
المهم ان البنت خيرته بينها وبين صديقته
واختار صديقته
ساعتها انا افتكرت انه ندل اوى
واستغربت اوى ازاى يضحى بحبيبته
علشان خاطر صديقته
لما افتكرت الموقف ده امبارح
لاقيت نفسى تفكيرى اختلف
وبقيت مع موقف الولد
وقلت مش معنى انه بيحب واحدة
ان ده معناه انه يتنازل عن كل حاجة فى حياته علشانها
بس بردو محتار
هو ايه الصح؟
هل المفروض ان الانسان يضحى
بكل حاجة هو مهتم بيها علشان خاطر حبيبه
هل حبيبه ده هيعوضه عن كل حاجة وهيلاقى فيه كل حاجة
ولا قيت نفسى بجاوب
لا طبعا مافيش انسان فيه كل حاجة
واكتشفت ان التضحية بالحبيب
اسهل بكتير من ان الواحد يضحي بشئ مهتم بيه
وساعتها افتكرت ليالى الحلمية
وعلي سليم البدرى
اللى ضحى بالبعثة بتاعته
علشان خاطر عيون
زهرة سليمان غانم
وزهرة ادتله صابونة واتجوزت عمر
حسيت ان منطق التضحية والتنازل من اجل الحبيب
منطق بيمحي دماغ انسان من اجل ارضاء انسان اخر
وحسيت ان لو طرف ضغط على الطرف التانى
بانه يضحي بأى حاجة هو مهتم بيها علشان خاطره
وعلشان خاطر عيون سعادتهم المزعومة
فده نوع من انواع القهر
انت لو خيروك بين الموقف دا هتختار مين???
مستني الردوود
» دع الشمس تشرق في قلبك
» أنا وانت..جاوبني من انت.. وسألني من أكون؟؟..
» تعالو يا شباب (تريقة على البنات ) هههههههه
» ...*★.•سطور من ذهب•.★*... !!!!!!!!!!!!!!!!!!
» مـــ ع ــــادلات قلبي ..
» هل فعلاً الشاب المدخن جذاب فى نظر البنات ؟؟
» لوفى مزة عجبتك ومش عارف طبقها فوت لعندى واتعلم !!!!
» ازاى ترفع ضغط اى بنت !!!!!!